Sondage en ojibway (Anishinaabemowin)
- Gdo ayaaw ana Giizhaa Agaa Yaajig bemaadizid bazindang maage ginowaabmdang Giizhaa Agaa Yaajig digosijigan zhiwe madowechigan, mazinaatesijigan maage owi Maziwe Kiing Mazinaa-igan Wiindamaagewin?
- Gdo ayaaw ana Giizhaa Agaa Yaajig gichi dibaajimad maage ana gdo mazinaatesidoon Giizhaa Agaa Yaajig digonigan?
- Gdo ayaaw ana Giizhaa Agaa Yaajig digonigan e’zhitood maage gdo wiiji-zhitoon Giizhaa Agaa Yaajig digonigan.
Ndo dowendaanaa awii nondaagowin!
Maanda diko gagwejimigewin nga naadmaaginaa woshme weweni awii nisastamaang meneziyin miinwaa bezhigendaman. Aga bagwsenigmigwo awii makowaamidaman tenoon woshme niibna gagwedwewinan miinwaa ayaawong zhiwe Wiindamaagewin owi Gagwejimigowin.
Ninda eni temigag gagwedwewinan aawinon onji gewe e’bizindaagejig, gichi dibaajimagejig (madowechigan, mazinaatesijigan maage owi maziwe kiing waasamo-asabi mazinaa-igan zhichigewinan) miinwaa digonigan e’zhitojig. Gaawii memkaach gda nakwetiziinan newen kina gagwedwewinan. Gaawii gego newen gagwedwewinan aabdeg dowendaagosinon. Awii naadimaagowin awii wiidokaaziyin, ngii maakibii-aanaa, makede-biigaadeg, owa bemaadizid e’nendamong owi gagwedwewin woshme weweni age nakwetong. Dash wiigwa, aga bigosenimigwo giishpin nendaman awii nakwetaman kina gagwedwewinan e’nowendaagwog maage minwendaman giin. Miigwetch!
Aga bigosenimigwo awii bozibiigeyin awii moshkinebiiman owi gagwejimigowin (Bozibiige gibadoon abi zhiwe gagweckwaag ishpiming).